BISDAK ( bisayang dako)

POBRENG ALINDAHAW

Ni. Jessemar J. Wao

Sayo sa buntag Dominggo, busy nga nag andam si Tibor sa iyang mga gamit aron muadto sa iyang umahan. Si kimberlat nga iyang kabaw himsog ug baskog kayo nga misugat kaniya “OOOOOOOOhhh,Owww” matud pa ni Kimberlat sa iyang amo nga si Tibor. Nakalimot si Tibor nga Dominggo diay kadtong adlawa maong natingala ang iyang pinalanggang inahan nga si Tarsila. Naandan naman gud ni Tarsila nga Makita ang anak nga kanunay naga samba  matag dominggo una muadto sa kaumahan.

 Gwapo si Tibor, maalagaron, relihiyoso, ug kanunay basa nga hinapay nga gibutanga’g pamada. Wala makahuman si Tibor ug eskwela sa elementarya tungod sa dakung problema nga gisagubang sa panahun nga nageskwela pa siya. Iyang amahan nga si Berto nadisgrasya sa ilang kaumahan samtang nagkuha ug kamoteng kahoy aron iyang ibalaigya sa iya mama para ipalit ug bag-ong uniform sa eskwelahan , apan sa dakung malas naligiran sa dakung  bato ang iyang amahan ug mauy hinungdan sa iyang hinanaling kamatayun.

Sakit alang kay Tibor nga makita ang inahan nga mag antus sa iyang kapit-os maong nagdisisyon kini nga hunungon nalang ang pag eskwela sa elementarya ug tabangan na lamang ang inahan sa pagpanginabuhi. Pag uma, pananum ug mga lagutmon labi na ang saging, kamote, balangghuy ug kape ug uban pang mga pananum. Kung  si Tibor ang pag but-on tama na alang kaniya ang ilang kahimtang sa kinabuhi, apan ang iyang inahan nga si Tarsila nanganduy gihapon nga makita ang anak nga nakahuman sa pag-eskwela  ug maka tung-tung sa kolehiyo. Matag -gabii nagahilak si Tarsila apan iya na lamang kining  ginalilong tungod maulaw siya sa iyang anak. Nahagit pag maayo si Tarsila nga pahumanun si Tibor ug eskwela human masud-ungan ang anak nga na ignorante sa pag kaon nga iced cream . Usa kaadlaw niadtong higayuna nagsuroy sila sa karbon arun mupalit ug bugas alang sa ilang kunsomo sa bukid. Lima pa ka kilometro ang baktasun aron lamang maka abot sa karbon mao nga wala gyud kini makatung tung  ug siyudad.  Sa dihang nakita ni Tibor ang usa ka tawo nga namaligya ug iced cream nanguta si Tibor sa iyang inahan “ Nay , unsa man ang gibaligya sa tawo nay naga aso man wala na siya mahadlok mapaso, tapos ginakaun lagi na nila nay bisan nag aso” matud pa ni Tibor sa iyang mama sa samtang naga tan aw sa bata nga mipalit ug “ice cream”.  Gitubag ni Tarsia ang iyang anak ug gipasabot ug unsa kadtong matanga sa pagkaun. “Anak, kanang  ilang gikaun ice cream ang tawag ana, pagkaun na siya nga bugnaw kaayo, unya lami” matud pa ni Tarsila. “ Tinood ka nay, sa akong tan aw murag hadlok man kaunun kay naga aso gud”. “ Nak, dili man na aso, sa kaugnaw na, sige, dali gud palitan ta ka” samtang nagpasabot si Tarsila kay Tibor iya kining giguyod padulong sa tawo nga nagbaligya ug ice cream  ug gidunol ang singko pesos.  Human  matakos sa tigbaligya  gidunol ngadto kay Tarsila ang ice cream. Nag hinamhinam si Tibor kung unsay lami sa ice cream nga gitawag.  “ O anak dalia , kuhaa dayun ang ice cream kay bugnaw pa, wala pa matunaw.” Matud pa ni Tarsila.. ….( Atangi unsay mahitabo sa kinabuhi ni Tibor ….sunod nga issue a