Dear Mama (Mahal Kung Inahan)

(I Miss My MAMA)

By : Jessemar J. Wao

Mahal Kung Inahan, hinaut nga ana ka sa maayong kahimtang

Salamat sa imung pag pangga kanamo nga imung mga anak

Daw sama sa sa dili matugkad nga kalawom nga dagat  ang gugma nga imung

Gipataggamtan kanamo

Ma, ang pulong salamat dili pa igo arun masuklian ang tanan

Salamat sa paghatag ug higayun nga Makita ko ang

kaanindot sa kalibutan

Salamat sa pag atiman kanako sa imung sabakan hangtud karun

Salamat sa pagpatindog kanako sa panahon nga ako matumba

Salamat sa paghatag sa imung kusog aron kami dili mapukan

Tungod sa kapit-us sa panahun,

Salamat sa pagtudlo kanako kung unsa ang kinabuhi

Salamat sa paghatag kanako ug kahayag panahun sa kangitngit

Ug sa pagpandong kanako pahanun sa ulan

Salamat sa pagpulaw matag gabii aron lamang ako imung mabantayan

Moabog sa mga lamok ug mananap nga nga mutogdun sa akong panit

Salamat sa pagtimpla ug gatas matag gabii arun ako dili magutman

Salamat sa pag alalay kanako sa panahon nga ako gusto nang mulakaw

Salamat sa pag sapupu kanako sa panahon nga ako dili makaabot sa akong padulngan

Salamat sa pagtudlo kanako sa pagpamulong sa tanang butang sa kalibutan

Salamat sa pag-uban uban kanako sa panahon nga ako unang misulod sa eskwelahan

Salamat sa pagtabang kanako sa pagsulat sa akong pangalan

Salamat sa pagtudlo kanako kung unsa ang tama unsa angdautan

Salamat sa paglaban kanako sa panahun nga ako

mangayo ug katarungan

Salamat sa paghapuhap sa akong dughan sa panahon

nga ako masakitan

Salamat akong mama, akong inahan

Salamat sa pagtambag kanako sa panahon sa kalibog

Ikaw ang nagsilbing bitoon nga kahayag sa kagabhion

Ug ikaw ang yamog sa kaadlawon nga naghatag ug kabugnaw sa tibook kadlawon

Mama, mag unsa ako kung wala ka, mag unsa ako kung wala ang gibuhat mo tanan

Among inahan, Ikaw akong gipasalamatan

Sa Dios ako mapasalamatun, Sa labaw nga makagagahum

Sa paghatag kanamo ug boutan ug mapinangaun nga inahan

Gugma mo nga way sukod alang kanamo nga imung inahan

Ina, Mama, Nanay, Mamang, karun ikaw gipasidunggan

Sa tibook kalibutan ikaw akong ibayaw

Nga ako adunay inahan labaw sa tanan

Mapinanggaun maalagaron, masinabuton, manggihatagon

Ug labaw sa tanan  mahigugmaon

Akong Mama,

Niining adlaw sa mga Inahan

Hinaut nga ikaw magmalipayon

Ang Dios magauban kanimo sa panaw sa kinabuhi

Ako, iampo sa labaw nga makagagahum

Nga, ikaw pagahatagan pa ug dugay ug daghang kinabuhi

Alang kanamo, aron masuklian namo ang tanan

Ang kayo nga imung gibuhat ug gihatag sa among matag kinabuhi

Mama, Salamat, Malipayong Adlaw sa Inahan